جربت تعمل كده مع اختك؟(للشباب)

موضوع بشوفه كل يوم وبستغربله جدا ومش عارف ليه أي سبب..

ليه معظم الشباب علاقتهم بالبيت مش هقول محدوده دي شبه منعدمة ..

ليه بتدور على صاحب برة البيت يخاف عليك وينصحك و أنت عندك أخوك أكتر واحد هيخف على مصلحتك وأكتر واحد قادر على انه يفهمك ويحدد ظروفك ..

ليه بتدور على قلب يحبك ويحتويك يحسسك بالحنان برة البيت وأنت عندك أختك أكتر واحدة ممكن تحبك وتخاف عليك وتفهمك وتقدرك ..

أنا عايز أسأل سؤال وتجاوب عليه بكل صراحه ....

امتى كانت اخر مرة دعيت اختك انكو تخرجو تتغدو في مطعم ؟
أو فكرت انك تقعد تتكلم معاها شوية

هل ستكون الاجابه..امبارح؟؟


منذ شهر؟؟


منذ سنه؟؟


لم ادعوها في حياتي ابدا؟؟


تختلف إجابتكم .. من شخص لاخر.,,


لكن هل سألت نفسك .. ماهي ردت فعلها لو جربت ودعوتها أو اديتها جزء من وقتك ,,؟؟

ما الاثر الذي ستتركه في قلبها ..


فجميعنا يعلم أن الأخت تحب أن يكون لها أخ ترى منه الإهتمام والعطف والحنان مش بس الاخت اي بنت دلوقتي مشكلتها انها مش لاقية حد يحسسها بالامان تشكيله مشاكلها الام عصبية و الاب مش عايز يفهم ان الحياة اتغيرت والاخ متسلط ..


فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ،

ربما تقول ..

مشغول

مش فاضي لها

ولو كانت أي مزة متعرفهاش حتى كنت هتديلها عنيك ( أوعى تنكر ده )


ان ماكنتشش فاضي ليها زي ما بتقول .. مين اللي هيفضا ليها ؟؟


عايزها تدور على حد غيرك يحتويها و يوهما بانه بيحبها و بيخاف عليها.. ؟؟؟

صدقني لو دورت هتلاقي

أيوة هتلاقي "الذئاب البشرية " اللي هتيدلها اللي مش لاقياه مع اقرب الناس ليها أخوها..!!

انا عايزكم بس تجربو تدوا لاخواتكم شوية اهتمام خاصة البنات وجرب م هتندم


وانتم يا بنات يا ريت تشاركونا برأيكم وتقولولنا يا ترى ايه هيكون شعورككوم لما تلاقو لفتة انتباه ولو بسيطة من اخواتكم ,,,؟؟

أنا عارف ان الموضوع ده صعب شوية و جرئ شويتين
بس هي دي الحقيقة وده المفروض انه يحصل
جرب ومش هتندم

انا عن نفسى مجرب ومش ندمان بس مش كل حاجه تتحكى للاخت
وكمان تختلف جدا يا انسه لولو
سورى يعنى بتختلف من تربيه كل واحد سواء كانت البت او كان الولد
فى ناس متربيه على التعاون وناس لا
او ممكن يكون فى بنات اصلا ما بتبقاش اصلا طايقه اخواتها
وما تقنعنيش ان فى صراحه بين الاخ واخته
ممكن مثلا تكون الاخت تكون بتحب واحد تكلمه على النت مثلا لو قالت لاخوها ممكن فى لحظه دمه يغلى ويقوم لاسعها قلم يعملها كرت شاشه
نو وااااااااااااااااااى بس انا معاكى ان من المفروض يبقى فى بعد الوقت مثلا مخصص لبعد يحكو لبعد وكده
سورى طولت
وبس

mmmmmmmm
3ndk 7a2 walahy
hwa ana tb3n msh mgraba l2en a5oya msh kber
bs lw kan kber makontsh hdy3 elforsa

الموضوع بجد جامد يا لولو
-------
بس انتى عارفه المشكلة بقى الأكبر للى زى حلاتى اللى هما مش عندهم أخوات صبيان أصلا
ده غير إنى الكبيرة اللى فيهم
يعنى نحس من كل ناحية
----------------
بس علشان مش أكدب عليكى انا كان نفسي يبقى ليا أخ ويكون أكبر منى
وربنا مش عايز كده
علشان كده أنا ليا أخوات شباب برا بيتى وأخواتى بجد لو احتجتلهم بلاقيهم
والحمد\ له فى نااااس كتيير حواليا خلونى مش أشعر بشعور فقدان الأخ
-----------------
أنا بس عايزة أقولك حاجه على موضوعك مش لازم يكون الأخ مشغول عن أخته ...وهى تدور برا بيتها وتلاقى قدامها الذئاب البشرية بس
صوابعك مش زى بعضها يا لولو
---------------
واللا أيه
سورى طولت

مرسى يا كريزى

دكتوره ورئيسه قسم يا كريزى
نو كومنت
وبس

هاهاهاهاهاهاهاهاهاهاها طبعا يازيزو كريزي دي استاذه في كل حاجه
امال انا مصحباها ليه؟
الموضوع جامد يالولو
بس انا حالي نفس حال كريزي بالظبط

موضوح حلو
فعلا عمرها ما جت حتى فى بالى

طب كويس يا مودى ادينى لفتت نظرك