جربت تعمل دماغ

معملتش (دماغ ) قبل كده ؟ ..


بس المرة دى مش اي دماغ دي اسمها
( دمــــــــاغ نـــاس )
ايـــــه دماغ ناس دى .. هههههه





- دماغ ناس .. زى دماغ قهوه .. دماغ لب وسودانى .. تعمل دماغ " ناس"..
بص ياسيدى ..بصى ياستى





لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها ..
إنزل الشارع إتمشى لواحدك و تأمّل فى الناس ..
هتلاقى الموضوع مسلّى جداَ ..
الشعب المصرى ده لذيذ طحن ..
دماااااااااااااااااغ



......


* هتلاقى ناس طالع عينهم فى أتوبيس فيه 186 واحد والناس طالعين من الشبابيك والجو حر ..
والناس لسّه بتركب وهى مبتسمه وحاسه بالكفاح ..
وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..
سبحان الله


* بنت لابسه هدوم المدرسة ومزوغة ماشيه مع ولد
– ممكن تحلف إنه مش هيلاقى شغل ولا بعد 100 سنه من شكله –
وإن لقى.. أول حاجه هيعملها أنه يسيب البنت دى ..
كفايه فقر بقى ..



* واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش عايزين حاجه تانيه من الدنيا ..



* واحد شكله تعبان طحن ومش لاقى ياكل، بس جايب أحدث " الموبايل " وبيتكلم فيه بصوت عالى فى وسط الشارع..
عشان هو حر ..



* واحد عمره ما شاف الزبدة فى حياته ولا يعرف بتستخدم فى أيه أساساَ ..
عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية ..
قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. " zxs



* واحد واقف مع خطيبته/صحبته قدام قفص الأسود فى جنينه الحيوانات
بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..



* بنات بكرش لابسه بديهات ستومك.. عشان دى الموضه ..



* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها .. حاجه تغيظ... !!


* من شهر كده كده كان فى ماتش للأهلى و فريق تانى يطلق عليه البطاطس التونسى .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..




جرب أنت كمان تعمل دماغ ناس ..
هتلاقى الموضوع مسلّى جداَ .. و أبقى قلي إيه رأيك ..

اممممممممممممممممممممم

دماغ ناس , والله انا مجربتهاش قبل كده

بس ليه لا هبقى اجربها , عشان شكلها لذييذ فعلا

ميرسى شاينى

ههههههههههههه

دى دماغ فظييييييييييعة نوعدك بالتجريييب

فكرة حلوة اوىىىىى

افكر اعمل دماغ على طريقتك
انابعمل دماغ لما بسمع انت عمرى لام كلثوم
هى دماغ قديمة بس متكلفة

احلي دماااااااغ

عندك حق

خلاص هوعدكم ان انا هعملها
ههههههههههههههههههه

بعملها ساعات واهى بتروقنى ساعات