قصيده البتاع لاحمد فؤاد نجم ... اتحدي مين يعرف ايه هو البتاع...

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

انا عن نفسي اعرف ايه هو البتاع

ههههههههههههههههههههههههههههه

اية هو بقة البتاااع؟؟؟؟

ثانكس فيدو بجد جاااااااااااااااااااااااااااامد

موووووووووووووووووز

لما نشوف الردود الاول
شكرااااااااا

مين البتاع اللي مبتع البتاع دا؟

هههههههههههههه

انا قريته بدل المرة ألف

ومفيش فايدة

أصلي مليش في البتاتيع دي

هنستني لحد لما سياتك تتكرم علينا وتقولنا ^ ^

انا هقولكوا بس ياريت ما تتخنقوش مني
هو كان بتكلم على الانفتاح على ايام السادات
و شكرا على الردود