شوفو الموضوع ده
قريتو ف موقع كده عجينى اوى
قلت اما افرجكو عليه
مصر الفرعونيه
- بابا انا عاوز اتجوز اختى حات حور
- خلاص يابنى خليها تنقل حاجتها فى قوضك ... وابقى هتلها
حجرين صوان هديه ... مبروك يا تاح
...... ........ ............ ...............
مصر فى عصر الرومان
- تتجوزينى يا افردويت
- اتجوزك يا بنسيلوس
يالا بينا نبنى كوخ ع البحر ونعيش هناك
- يالا
.......... ............ .............
مصر بعد الفتح الاسلامى
- ولدى خالد يا شيخ احمد بيريد يتزروج ابنتك البكر الكريمه ...
ويبنى خيمه .....ويقدم مهر بعير....
- والله خالد ولدك زين الرجال ... وايش اتمنى غير رجل صالح يكون زج
لا ابنتى ... وكما قال الرسول صلى الله عليه وسلم " ان جاءكم من ترضون
دينه وخلقه فزوجوه " قيموا الافراح وليالى الملاح
............ ............ ................
مصر 1919
- انت هتتجوز بنت الحاج عبد الجليل ... انا كلمته خلاص ووافق
وضب قضك وهات خلخال... فرحك يوم الخميس الى جاى
- طب مش اشوفها الاول يا با
- انت اتجننت ياولد تشوفها ده ايه ... انت هتتجوز ولا تخبص
- حاضر يا با
........ ............. ...........
مصر 1960
- بقى ياستى بنتك امال جلها عريس
- يا الف نهار ابيض يا الف نهار مبروك
- جدع طيب وابن حلا وموظف فى الحقانيه ...ومهيته مش بطاله
اهو يبنو حياتهم سوا بعد الجواز ... ولا ايه رايك يا ام العروسه ؟
- الراى رايك يا ابو العروسه ... والله العيال هيعجزونا يا ابو محمد
- فشر .. تدبل الورده ورحتها فيها يا نرجوستى
......... ............ ...............
مصر فى عصر الانفتاح
- اخرسى يابنت ... انا الى يتجوز بنتى لازم يكون عندو شقه
تمليك وعربيه وسوبر ماركو
- بس يا ماما
- مفيش بس ... انا وابوكى قبل ما يموت فى الحرب كانت بتعدى
علينا ايام مبنلاقيش ناكل ... انا يابنتى مش عاوزاكى تتعذبى زى ما
احنا اتعذبنا ... انتى هتتجوزى فتحى ابن خالتك
- بس انا مش بحبو ياماما
- الحب مش بياكل تونه فى الزمن ده يا فلحه
- امرك ياماما
............ ......... ................
مصر عام 2008
نهار خارجى .... احد الكافتريات المغلقه .... موسيقى هادئه تملا المكان
احمد : ياحببتى انا مرتبى 250 حنيه بعد الضرائب و المسنقعات .... وبعد
الشغل بحاول اعمل اى مصلحه يعنى باصفى فى الشهر 400 450 جنيه
ومعنديش شقه ومش محوش ولا مليم .... اهلك عمرهم ما ح يوافقو بيه
منى : احمد ياحبيبى بابا وماما متفاهمين جدا ... وما يهمهموش غير سعادتى
الفلوس دى اخر حاجه ممكن يتكلمو فيها
احمد : انتى شايفه كده ... ماشى ... حددى ميعاد مع باباكى الجمعه
الجايه الساعه 6
......... ........... ...........
المشهد الثانى
فى منزل احلام ... منزل قديم .... فرش متواضع جدا... يجلس الاب الذى
يبلغ من العمر الثالثه والستين ... وبجواره العم 55 عام ... والخال 56
الخال : منورنا والله يا استاذ احمد
احمد : ده نورك ياعمى
الاب : فين الشاى يا ام منى
ام منى من بعيد : جايه اهو ي ابو منى
الاب : ها يا ابنى هتدفع كام وتشيل
احمد : الى تأمر بيه ياعمى
الاب : الامر لله يابنى .. احنا مش طالبين كتير ... شقه تمليك فى مكان نضيف
ومهر 25 الف جنيه يادوب احنا نحط قدهم مرتين علشان نجيب العفش وانت هتجيب
الاجهزه والسجاد وحاجة المطبخ والستاير والذى منه .. وهتجيب الشبكه بزيهم
طبعا انت عارف ان الدهب غلى يعنى مش هيجيبو حاجه بس انت وزوقك بقه
مش كده ولا ايه يا ام منى
ام منى : اه يا اخويا ده عفاف بنت خا لتها خطيبها جيبلها شبكه بخمس الف جنيه
ده غير الاجهزه الحديثه اللى جيبهالها معاه وهوه جاى من السفر
الاب : اما الفرح فى قاعه صغيره بس طبعا لازم تساع الحبايب واحنا حبايبنا
كتير... والقايمه والمؤخر طبعا وانت سيد العارفين ... وفى الاول والاخر
يا ابنى ... احنا بنشترى راجل
احمد : بس ياعمى انا ممعاييش المبالغ اللى حضرتك بتتكلم فيها دى
الاب : الى ممعهوش ميلزموش ياابنى ... واحنا فى الاول وفى الاخر بنأمن
لبنتنا حياه سعيده ... امال عاوز تأخدها رخيصه ولا ايه؟
احمد : ياعمى لو بنتك رخيصه ما كنتش خبطت على بابكم ... وسكة الغلط
فى الزمن ده سهله ... واكتر من الهم على الاقلب ... وبعدين احنا ممكن نلم الدور
وحضرتك عارف ظروف الحياه الى بنعشها وانت لسه قايل بعضمة لسانك ان كل
حاجه غليت ... والظاهر ان الانسان بس هوه الى عمال يرخص
الاب : قصدك ايه ؟
احمد : قصدى يعنى دبلتين .... وشقه وقانون جديد على قد الحال ... ومهر ربع
جنيه ... واجيب عفش بيتى على قد فلوسى ... وفرح بسيط مش بهرجه ورقص
ومسخره ... ده احنا بنتدى فى بعض علاقه نضيفه ... اجيب كمبيوتر اجيب تليفزيون
اجيب تلاجه صغيره والا كبيره .... فى الاول وفى الاخر احنا الى هستعملها
ولو باظت اكيد انا بردو الى هجيب غيرها مش اجى واقولك هاتلى ... وحضرتك
ممكن تاخد رايها على الكلام ده
الاب : انت جاى تشتمنى فى بيتى ولا ايه ؟... احنا معندناش بنات تمشى كلامها
على ابوها .... اظاهر انك جيت البيت ده غلط
احمد : لا ياحاج انا مجتش البيت غلط ... بس ممكن اكون عايش فى زمن
غلط ... مع ناس مش عايشه فيه ... وبعدين هوه مش حضرتك مصرى برضو
ومسلم طبعا؟ ... يبقى انا مجتش غلط ... انت الى اعد غلط وبتتكلم غلط فى غلط
الاب : احترم نفسك ياولد
احمد : بلا احترم نفسى بلا نيله بقه ... احترمو انتو ظروفنا ... الى انتو
حطتونا فيها ... احترمو انتو دينكم اللى بتعتقدوه وبتعلموهولنا ... احترمو
انتو عقولنا بكلامكم الى ملوش اى علاقه بالعقل ولا بالواقع
الاب : اطلع بره ... ده انا عمرى ما هجوزاهلك حتى ولو على جثتى
احمد : حتى دى كمان غلط ... ولاتمت بالحقيقه بصله .... والحدق يفهم
سلامو عليكو
............ ............ ..............
يخرج احمد من منزل منى ... ويسيب ويلعن ويضرب الارض بقدميه
وبعد قليل يدق جرس هاتفه المحمول
احمد : ايوه
منى : ايه يا احمد الى انت هببتو مع باباه
احمد : باباااااااااااااا ... انا مشوفتش بابا يا طنط
انا شوفت نخاس بيبيع جاريه فى سوق العبيد ... شوفت جزار بيبيع معزه
للى يدفع اكتر
منى : ايه ياحمد الكلام ده انت بتغلط فيه .... طب وانا ذنبى ايه
انا مش عاوزه فلوس ولا دهب ولا حتى غساله عاديه ... هاتلى طشت يا احمد
هاتلى قله ... مش عاوزه غير عيشه وانسان احبو ويخاف عليه ... واظن ده
من حقى انا مش مراهقه ولا طفله ... انا عندى 24 سنه ... يعنى اقدر
اتحمل مسؤليه قرارى ... واختار الانسان الى هعيش معايا حياتى كلها تحت
سقف واحد .... اهىء اهىء اهىء اهىء
احمد : خلاص بقه بطلى عياط حقك عليه ... معلش انا كمان زعلان من الى حصل
واعصابى مشدوده
منى : طيب وهنعمل ايه دلوقتى
احمد : العمل عمل ربنا الى ميرضهوش اللى بيحصل ده ... ده حتى حرام
وظلم وافترا
منى : طيب ايه رايك يا احمد ... لو اسم نفسى كده وكده .. وتجيى
تنقذنى ونتجوز
احمد : لااااااااااا انا فى عرضك ... الا ملحقش انقذك وتروحى فيها
وبعدين كده تبقى روميو وجوليت .. وانا مينفعش انهى القصه عليها
ستين واحد هيخش يقولى يااااا حرامى ... دى نهايه مفقوسه وقديمه
حتى أسألى جدو شكسبير
منى : طيب هنعمل ايه يا احمد ؟
احمد : العبى فى دماغ ست الكل مامتك وهيه تظبلنا الموضوع
منى : مش عارفه اكلمها ازاى
احمد : تسمعيها كلمتين حلوين علشان تتشجع
منى : ماما ست الكل انتى من حق محكتليش مع بابا اتعرفتو ازاى
ام منى : والله انا قبلتو فى اتوبيس وكان هوه الكمسرى واخد فلوس التذكره
ولما ضحكتلو ادانى الدفتر كلو
وبعدين اتعرف عليه وجه يخطبنى
منى : طيب يا ماما هوه كان جاهز
ام منى : ولا كان جاهز ولا كان منيل
اللى فاكراه انو مكنش حيلتو اللضا
منى : طيب متخلصيلى الموضوع ده ياماما وكلميه
دلعيه
ظبطى الراجل يا فاطمه ياست الكل خليكى تخلصو منى وتستريحوا
بس كده
ولا يدوق الاكل ولا الشرب ولا هدمه تتغسل ولا فى اى حاجه فى الدنيا
والليله دى سوده على دماغو لحد لما اشوفك فى بيت العدل
والزغريييييييييييييييييط طبعا فى سرها
منى : خلااااااااااااااص ........ يعنى هتجوز
ها ايه رايكم فى الموضوع ده انهى زمن احلى من التانى فى الجواز
بس انا من راى ان زمانا ده الى صعب جداااااااااااا
موضوع حلو
مش كده
بس مش تنسو انو منقوووووووول
موضوع: الجواز في مصر 
الإثنين يوليو 07, 2008 4:31 pm
