شلللللللللل

موضوع: شلللللللللل السبت يناير 24, 2009 4:03 am

جميل إنك تتابع برامج التليفزيون المفيده ، لكن المصيبه عندما تقع فريسة إعلانات التليفزيون و التي يدسونها لك في الفواصل و القواطع و العوارض و ما شابه ذلك ..
الاعلان الاول:
المذيعه في إبتسامه عريضه شريره : نلتقي بعد فاصل قصير .. نياهاهاهاهاهاها

ستار يُسدل على الشاشه يذكرك باسم القناه لتكون نسيتها و لا حاجه..

بنت كدا تظهرلك زي العفريت و مخبيه و را ظهرها حاجه تذكرك بريه وسكينا و هيَّ مخبيه القماشه المبلوله ورا ظهرها ، ... و تطلعلك علبة شاي مرسومه عليها حشره ...

شاي الفسفوسه زيه ما تلاقيش
و لو رحت المحل و لقيت غيره ما تشتريش
واحده جربته و عجبها
و من كتر ما حبته حطته في النيش
قدامك خيارين
يا إما تشتري يا إما ما تشتريش
و لازم تشرب العلبه في يوم واحد
يا إما هيطلعلك في وشك فسافيس
و المفآآآآآجأه..
عرض خاص .. مع كل علبة شاي الفسفوسه ، هتآخد برغوت هديه ....... مجااااااااناً...

==================

الإعلان الثاني ..

يظهرلك كدا ع الشاشه راجل شكله صالح وورع و كأنه هيعيط من كتر التقوى ، و يقولك بصوت منخفض ، إتصل على 0500000000000000000 علشان تكسب رحلات حج أو عمره ، لو جاوبت على السؤال دا ...

من هو آخر الأنبياء ؟ عليهم السلام ..

1 سيدنا آدم
2 سيدنا عيسى
3 سيدنا صالح
4 سيدنا محمد ـ عليهم الصلاة و السلام .

و أنصحك نصيحه أخويه ، متجاوبش على السؤال قبل أن تقرأ في المراجع كلها ..

يبقا الرقم كام بقا ؟
0500000000000000000000000000
علشان تكسب رحلات حج أو عمره شامله الإقامه و الإنتقالات و التأشيره و تذاكر السفر و السندوتشات ...

يبقا الرقم كااااااام ؟؟؟ شكلكوا نسيتوا ...

0500000000000000000000000000000

و السلام عليكم و رحمة الله و بركاته....

الإعلان خلص الحمد لله ... الشاشه فجأه إسودت و طلع الراجل تاااااني ...

ألا هوا الرقم كااام؟؟؟؟

==============================

الإعلان الثالث : ...

الشاشه فجأه و بدون مقدمات تجيلها هيستريا ، و تسمع صوت تليفون بيرن ، تجري طبعاً ترد على تليفونكم .. لكن ، تكتشف إن التليفون بيضرب في التليفزيون ، و تلاقي واحده ممصوصه و شكلها ناقعه وشها في علبة ماكياج بقالها شهرين ، و لابسه بنطلون مقطع المهم إنها لابسه حجاب ، بترد على التليفون دا ، و يقطع هذا الملل صوت رجل يقول بانشكاح ..:

الآن ، و بعد أن وصلتنا التكنولوجيا من تشكوسلوفاكيا رأساً على عندنا ، نقدم لكم التليفون أبو زراير ، هذا التليفون يتمتع بخصائص فريده من نوعها ، أولاً : يحتوي على زراير بها أرقام من صفر إلى تسعه ، هذا بالإضافه إلى وجود سماعه تحتوى على سماعتين ، واحده تسمع بها المتحدث و الأخرى تتكلم فيها لكي يسمعك المتحدث ، و من خلال التليفون أبو زراير تستطيع أن تطلب أي رقم في أي وقت ، و المفآجأه ، التليفون يتمتع بخاصيه تكنولوجيه جداً ، بيرن ليعطيك إشاره أن أحد يتصل بك ، لا تفوت الفرصه و لا تدع العرض يفوتك

سعر العده الواحده 257 جنيه ،
و إذا إشتريت عدتين تحصل على خصم 3 جنيه
أي يصبح السعر 511 جنيه بدلاً من 514 ...

إتصل ب 55778899
لتحصل على العرض المميز بتكاليف شحن 70 جنيه فقط

إتصل فووووووووووررررراً يا أهبل

نرجع للبرنامج اخيرا
:::
المذيعة: وفى نهايه الحلقة وهى بتقرا اخر ايميل
بنهدى الاغنيه الجايه والوحيده الموجوده على الشريط
الى بابا وماما والاصحاب توته وفوفه والى عمو وخالوا وكل اللى بيسموعونا
والى اسره البرنامج طبعا
smile

التليفزيون برامجه كلها تخنق وملله والمذايعات تشل
اما الاعلانات حاجه جامده تتذاع كل 5 دقايق لحد ما تكره نفسك وتقوم تنام وهما لسه

7ui87i8o

..

موضوع: رد: شلللللللللل السبت يناير 24, 2009 10:48 am

ههههههههههههه فعلا والله التلفزيون المصري ده ورم اصلا اللي يتفرج عليه يجيله شلل نصفي
جامد اوي ياسمباتيكا
465656

موضوع: رد: شلللللللللل السبت يناير 24, 2009 3:32 pm

هو أكيد شلل يا برنسس بس أحسن حاجه فيه الطرب الأصيل وأكيد برامج الكورة

هههههههههههههههههههه
سانكس سيمباتيك
بس مش خنئ اوى يعنى
وبس

امال هيكلو عيش منين لازم الاعلنات

برامج الكوره !!!!!!!!!!!!!!!!!
ايه ده اول مره اشوف بنوته مهتمه بالكوره
لالالالالالالالالالالالا
تانى مره
ههههههههههههههههههههههه
على رايك يا برنسيس ورم