www.seafriends.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


فــــــــــــــــــــــــــرفــــــــــــــــــــــــــــــــــــــــــــــــــشـــــــــــــــــــــــــــــــــــــــــــــــــــــــة
 
الرئيسيةالبوابةأحدث الصورالتسجيلدخول

 

 عجينة زنك وسبيداج وسكينة تلاتة بوصة وورقة صنفرة.. الآن.. تستطيع أن «تمعجن» روحك!

اذهب الى الأسفل 
كاتب الموضوعرسالة
fido-dido
سمكة رايقة
سمكة    رايقة
fido-dido


عدد الرسائل : 76
العمر : 34
الموقع : www.fido-dido.co.cc
المزاج : في عالم تاني
تاريخ التسجيل : 21/10/2008

عجينة زنك وسبيداج وسكينة تلاتة بوصة وورقة صنفرة.. الآن.. تستطيع أن «تمعجن» روحك! Empty
مُساهمةموضوع: عجينة زنك وسبيداج وسكينة تلاتة بوصة وورقة صنفرة.. الآن.. تستطيع أن «تمعجن» روحك!   عجينة زنك وسبيداج وسكينة تلاتة بوصة وورقة صنفرة.. الآن.. تستطيع أن «تمعجن» روحك! I_icon_minitimeالإثنين نوفمبر 10, 2008 5:19 pm

سعاد عبد الرسول

«ساب شخبطه جوايا».. قالتها ومشيت يمكن تكون قالتها وهي مش عارفة أنها نورت بيها دماغي شخبطة شخبطة شخبطة

يااااااااااه كلمة شكلها عادي، بس لا الشخبطة فعل واللي بيشخبط فاعل واللي بيتشخبط علي حيطته مفعول به ، فعلا كل واحد فينا قابل حد شخبط جواه ،لا لا حرام فيه اللي شخبط وفيه اللي رسم


لكن اللي شخبط ازاي عمل كده ازاي سمحناله بالشخبطة جوانا ازاي موقفناش وسألناه بتعمل ايه يا بني ادم انت؟!!!

ازاي استباح الشخبطة جوانا وبرطع وعاش؟ الإجابة في حكاية حصلتلي من فترة.. وافتكرتها لما سمعت الجملة دي.. من 5 سنين أديت لواحد علبة ألوان باستيل وقلت له أدامك صفحة بيضا ارسملي فيها جنينة بعد شوية صغيرين لقيته بيديلي علبة الألوان وفص ملح وداب، دخلت اتمختر وأشوف الجنينة اللي رسمها.. لقيت شخبطة سودا علي كل الحيطان.. يخررررب بييييتك.. قلت في عقل بالي الواد ده غبي كده ليه!

يسيب كل الألوان ويرسم باللون الأسود بس ليه؟! بس النهاردة اكتشفت حاجة تانية خاااالص مش هو اللي كان غبي.. لأ.. أنا اللي غبية لأني تخيلت إني هعرف أمسح شخبطاته، غبية لأني صدقت إنه مبدع وهو يادوبك بيفك الخط اللي ماشي عليه غبية لأني معرفتش أفهم من خطوطه أنه ساذج وكمان مسألتش ليه ساب كل الألوان ومسك اللون الأسود.

استخدمت كل المزيلات لكن شخبطاته مجرحة الحيطان كل ما ادخل جوايا والمس جدراني أحس بالخدوش والعلامات تحت ايدي أحاول أشيلها تعملي جرح أعمق «اي ي ي ي»

افتكرت مادة التكنولوجيا اللي درستها.. افتكرت المحاضرة بتاعت كيفية معالجة السطوح «ياااه كانت تايهه عني فين بس».. استجمعت ذاكرتي بصعوبة اه افتكرت الطريقة نسبة واحد زنك إلي واحد غرا حمص إلي اتنين سبيداج وسكينة تلاتة بوصه وورقة صنفرة ولبست شورت جينز كان في الأصل بنطلون وتي شيرت اصفر مكتوب عليه بالأسود... «عفوا ممنوع الاقتراب منطقة عمل».. ودخلت صنفرت جدراني ومعجنتها وبقت فله دلوقتي.. دانا كمان بفكر انزل بورق حائط!
الرجوع الى أعلى الصفحة اذهب الى الأسفل
http://www.fido-dido-89.blogspot.com
 
عجينة زنك وسبيداج وسكينة تلاتة بوصة وورقة صنفرة.. الآن.. تستطيع أن «تمعجن» روحك!
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
www.seafriends.com :: صدى الاقلااام :: كلام الاقلام-
انتقل الى: