فــــــــــــــــــــــــــرفــــــــــــــــــــــــــــــــــــــــــــــــــشـــــــــــــــــــــــــــــــــــــــــــــــــــــــة
 
الرئيسيةالبوابةالتسجيلدخول

شاطر | 
 

 احمد ونور<الحلقة الخامسةوالاخييييييييييييييييرة

اذهب الى الأسفل 
كاتب الموضوعرسالة
esso
احلي أخطبوط
احلي أخطبوط
avatar

عدد الرسائل : 867
العمر : 28
المزاج : تعود ان تموت لكى تعيش لكى تحب ولا تحب
تاريخ التسجيل : 06/06/2008

مُساهمةموضوع: احمد ونور<الحلقة الخامسةوالاخييييييييييييييييرة   الثلاثاء يونيو 17, 2008 7:12 pm

الحلقه الخامسه

احمد دخل لقى اتنين اعدين مكانه هو ونور

دي كانت نهاية الحلقة اللي فاتت يارب الحلقة دي تعجبكم

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه

غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا

نور : سوري يا احمد مكنش قصدي بجد

احمد : اخرجي انتي برا وايه الجلم الرصاص اللي بتضربي بيه ده

نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ... احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ... هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير ... ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك ... ومش بتسرح شعرك حلو ... بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي ... انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف .... عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه

ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

الجارة : احمد احمد احمد احمد

احمد : سلام قولا من رب رحيم .. اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو .. انا خضيتك ولا ايه ... طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

الجارة : تليفون عاوزك

احمد : والتليفون عاوزني في ايه

الجارة : هههههههههههههههه جتك ايه يا موودي يا سكر

الجارة : اقصد حد عاوزك على التليفون

احمد : ابوووووووويا جراله ايه انطجي قولي

الجارة : لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه

احمد : والجثة هتتكلم ازاي يا ام مخ تاخين

الجارة : تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور : سمعت ضحك احمد وجارته دي ... وقفلت السكة

احمد : الو الو ... الو الو

احمد : هههههههههههههههههههههههههه

احمد : الجثة مش راضية تنطق ... ده باين كده الجثة ماتت

هههههههههههههههههههههههههههههههههه


عدل سابقا من قبل esso في الخميس يونيو 19, 2008 11:19 pm عدل 1 مرات
الرجوع الى أعلى الصفحة اذهب الى الأسفل
eDo Dido
الحوت
الحوت
avatar

عدد الرسائل : 434
العمر : 28
المزاج : Peace
تاريخ التسجيل : 03/06/2008

مُساهمةموضوع: رد: احمد ونور<الحلقة الخامسةوالاخييييييييييييييييرة   الأربعاء يونيو 18, 2008 12:30 am

امممممممممممممممممم

بصراحه نهايه غير متوقعه

بس هى دى النهايه ولا لسه فيه حلقات كمان

بس عموما موضوع جميل ولذييييييييييذ وميرسى عليه

الرجوع الى أعلى الصفحة اذهب الى الأسفل
http://seafriends.hooxs.com
__TiMMi__
أخطبوط لذيذ ورايق
أخطبوط لذيذ ورايق
avatar

عدد الرسائل : 1929
العمر : 25
المزاج : الجرح دا أعلي دمااااغ
تاريخ التسجيل : 18/06/2008

مُساهمةموضوع: رد: احمد ونور<الحلقة الخامسةوالاخييييييييييييييييرة   الخميس يونيو 19, 2008 5:23 pm

لا لا محبش النهاية تكون كده يا ريت يكون في حلقات كمان
عليك وعلي حظك الزفت الهباب ده يا سي احمد ربنا يستر
الرجوع الى أعلى الصفحة اذهب الى الأسفل
SHINY STAR
سمكة مبدعة
سمكة مبدعة
avatar

عدد الرسائل : 527
العمر : 96
المزاج : هاااا
تاريخ التسجيل : 17/06/2008

مُساهمةموضوع: رد: احمد ونور<الحلقة الخامسةوالاخييييييييييييييييرة   الخميس يونيو 19, 2008 11:11 pm

حتى التليفون لا احمد دا
حظة وحش اوى
الرجوع الى أعلى الصفحة اذهب الى الأسفل
simpatica
سمكة مبدعة
سمكة مبدعة
avatar

عدد الرسائل : 504
العمر : 28
المزاج : msh 3aref
تاريخ التسجيل : 06/06/2008

مُساهمةموضوع: رد: احمد ونور<الحلقة الخامسةوالاخييييييييييييييييرة   الجمعة يونيو 27, 2008 3:33 am

هى كده بقى النهايه لالالا نهايه غريبه ههههههههه
الرجوع الى أعلى الصفحة اذهب الى الأسفل
__TiMMi__
أخطبوط لذيذ ورايق
أخطبوط لذيذ ورايق
avatar

عدد الرسائل : 1929
العمر : 25
المزاج : الجرح دا أعلي دمااااغ
تاريخ التسجيل : 18/06/2008

مُساهمةموضوع: رد: احمد ونور<الحلقة الخامسةوالاخييييييييييييييييرة   الجمعة يوليو 04, 2008 8:12 pm

انتي كسلتي ولا ايه يا اسو
لو دي النهاية اوكي عادي
وجد لك في مرة تانية يا احمد
الرجوع الى أعلى الصفحة اذهب الى الأسفل
 
احمد ونور<الحلقة الخامسةوالاخييييييييييييييييرة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.seafriends.com :: صدى الاقلااام :: قصص وروايات-
انتقل الى: