فــــــــــــــــــــــــــرفــــــــــــــــــــــــــــــــــــــــــــــــــشـــــــــــــــــــــــــــــــــــــــــــــــــــــــة
 
الرئيسيةالبوابةالتسجيلدخول

شاطر | 
 

 من أشعار الأستاذة ::أيمان بكرى::

اذهب الى الأسفل 
كاتب الموضوعرسالة
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: من أشعار الأستاذة ::أيمان بكرى::   الثلاثاء أغسطس 18, 2009 1:24 am

بسم الله الرحمن الرحيم
يابنت بلدي



يابنت بلدي عيب ..لما اللجام هيسيب .. يسترخصوكي الناس
في بنطلون مزنوق .. وبلوزه شبر لفوق .. ولا حتى فـ الجمباز
عريتي تحت وفوق.. ولا عدش عندك زوق .. ولاحتى فيه احساس
لحم الخروف مدبوح ..بنجيبه بعد الروح .. ما تحصّــل الأنفاس
ولحمتك بالكوم .. دكان وطول اليوم ..مفتوح لأرخص ناس
يخرب زمنا زمان .. كأنه عُمر ما كان .. لالينا اصل ولا اساس


كلنا بنحبك يا حمار



بيقولوا في مطرب مكار...بيغني بحبك يا حمار
الواد ده وصولي وكداب..ومنافق وكمان نعار
وإشمعنى لوحده اللي يحبك...كلنا بنحبك يا حمار
ده لأنك فعلا متفاهم... ومبرطع فينا ومش فاهم
وبتبعد عن أي تفاهم .. بعزيمة غبية وإصرار
العِشرة ما بينا ما بتهونشي..وإن هانت..برضو ما نقدرشي
محكمة العدل ما تحكمشي..وإن حكمت.. هتولع نار
مثلتوا علينا الثلاثية.. وبطولة وكانت جماعية
وعشان ما تكمل سداسية..عملتوا ألف حصار وحصار
وفي وسط ميدان الحرية..فيه شعلة مسكاها وليّة
متكنش دي ليزا المخفية..مدية إشارة إنذار
وعلى العموم أنا حبيتك
وإلهي يا بعيد يخرب بيتك
لو يوم هتشُك في إخلاصي..وتصدق ده من الأشرار
هو سؤال ومافيهش هزار....هو أنت يعني حمار يا حمار
علشان تصدق إن الفار.. ممكن يقول لأسد يا حمار
وبعاهدك والعهد أمانه..هتّنَّك على طول ويانا
حمورية أهلك عجبانا..يا واخدنا من الدار للنار
كل الحميره هنا عملت سين...واتفقت انك بغل عظيم
هيوزعوا شربات برسيم ...علي العربخاني وعلي الزوار
أنا مش حمّار هتخاف مني
مانا برضو حمار وأحمر منك
ما تنهق..قول أي حوار
بنقولك شيي..ما بتمشيشي....والحااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
ولا يوم هيجي يفرقنا...وهنفضل دايما وياك



النساء و منصب الوزارة



قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات

_________________
---------------------------------

-------------------------------
الرجوع الى أعلى الصفحة اذهب الى الأسفل
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   الثلاثاء أغسطس 18, 2009 2:21 am

مافيش حاجة
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

_________________
---------------------------------

-------------------------------
الرجوع الى أعلى الصفحة اذهب الى الأسفل
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   الثلاثاء أغسطس 18, 2009 4:46 am

دستور

‎ ‎


دستور يا اخوانا يا بعدا‎
لأ سوري دستور م البعدا‎

محبوس حابس يا سيادنا‎
و بكاكي من فوق مدنة‎

و ورايا ديوك بيكاكو‎
حرصوا عالباقي معاكو‎

بركة مولانا هولاكو‎
حلت و علينا اللعنة‎

طرطور طرطر طراطير‎
بيغيروا فالدساتير‎

و لا عاد في الحتة كبير‎
و يا وارث تورث مين‎

ما الورث إتباع و إتبعنا‎
نرجع تاني لموضوعنا‎

و بيان لديار الإفتا‎
من جمهورية زفتا‎

لِعبو و عملوها إستفتا‎
صوت ياللي سامعنا‎

و قوللي ملك ولا كتابة‎
أسد شبل ف الغابة‎

و أحلف وحياة راس بابا‎
زفة فمولد كدابة‎

و الله يجازي اللي خدعنا‎
للجوكر ألف تحية‎

ملعون خاش الحرية‎
يحيا قانون العبودية‎

و القوانين الوضعية‎
و الحكومات الشمولية‎

لها مني ألف تحية‎
وحِياة أمي دي رجعية‎

و لو صوتنا و جَعجَعنا‎
واحد ولافيش غيره هوه‎

قاعد متربع جوة‎
و بكيفك أو بالقوة‎

لو سوبر مان و فتوة‎
روح قٌله بقى يودعنا‎

عصابات شغل فتوات‎
و استعباط على حركات‎

و السقا أبوه لو مات‎
حيقوم يسقي الشربات‎

و يكمل على مواجعنا‎
مزيكة و تَرَابَاتَّتو‎

و نفديك بالدم.. إفدوه‎
بس إحنا و رحمة أبوه‎

مين ده اللي حَيلوي دراعنا‎
روح هاتلي لمون بالصودا‎

انا حاسة بريحة شوطة‎
حيصعدوا فصل الروضة‎

و الورث حيصبح موضة‎
لم الجدعان و اتبعنا‎

على قهوة ساقية مكي‎
نصرخ نلطم و حنبكي‎

ده ناويها و بيتكتكلي‎
قبل ما حتى يودعنا‎

زقطَطُوا يا عيال قولوا هييه‎
الحكم صبح تيك أواي‎

لو عايز قول أوكيه‎
و لو رافض قول أوكيه‎

في كلا الحالتين نوو واي‏‎
غير كودية و زار ينفعنا‎

لأنا عايزة بخور م الجاوي‎
و حمار أرمل و حصاوي‎

و دراع برغوت مش غاوي‎
تنطيط عفريت و مخاوي‎

شلة مقاطيع يقطعنا‎
حابس من شر الكرسي‎

من شر عزيزة و مرسي‎
من قرص النمل الفارسي‎

م الأحياء و الأموات‎
من كايرو إلى بغداد‎

أشتات أشتوت أشتات‎
حرصوا من لعب السيكا‎

م الحكشة و م البولوتيكا‎
و لا تشمت يومًا فيكا‎

مارشيل بنت أم ماريكا‎
قول حاجة الله يهديكا‎

و ادعي معايا يخليكا‎
حِلُّوا بقى عن أوجاعنا‎

و انصرفوا عليكوا اللعنة‎
انصرفوا عليكوا اللعنة‎

_________________
---------------------------------

-------------------------------
الرجوع الى أعلى الصفحة اذهب الى الأسفل
.__Zizo0o__.
سمكة مجتهدة
سمكة مجتهدة
avatar

عدد الرسائل : 405
العمر : 28
الموقع : مش عارف الشارع الى ورايا قدامى
المزاج : بعمل سيرش على سمكه قرش
تاريخ التسجيل : 15/03/2009

مُساهمةموضوع: رد: من أشعار الأستاذة ::أيمان بكرى::   الثلاثاء أغسطس 18, 2009 10:41 pm

ههههههههههههههههههههههه
هههههههههههههههههههههههههههههههههههههههه
شديد شديد
انا سمعت الندوه دى كلها
كانت بتقولها واحده كده
بس ايه فظيعه
سانكس انجل
وبس
الرجوع الى أعلى الصفحة اذهب الى الأسفل
http://chathome.hooxs.com
الكنج
نجمة بحر متألقة
avatar

عدد الرسائل : 3692
العمر : 27
المزاج : عالى
تاريخ التسجيل : 23/07/2008

مُساهمةموضوع: رد: من أشعار الأستاذة ::أيمان بكرى::   الجمعة أغسطس 21, 2009 3:54 pm

مرسى لمجهودك

بس الشاعره الكبيره ايمان بكرى ليها اكتر من الف مؤالف شعرى وذجلى ونثرى
الرجوع الى أعلى الصفحة اذهب الى الأسفل
http://www.kingfriends.hooxs.com
zalamoh
أخطبوط لذيذ ورايق
أخطبوط لذيذ ورايق
avatar

عدد الرسائل : 1127
العمر : 27
الموقع : شارع توم وجيري تقاطع ميكي موس
المزاج : قمة التحدي ان تعشق من ليس لك وقمه الحزن ان تبتسم وفي عينك الف دمعه وقمه الالم ان تسكت وفي قلبك جرح يتكلم وقمه الاستغراب ان تنجرح ممن تحب وقمه الحب ان تحب من جرحك وقمه الوفاء ان تنسي جرح من تحب
تاريخ التسجيل : 21/06/2009

مُساهمةموضوع: رد: من أشعار الأستاذة ::أيمان بكرى::   السبت أغسطس 22, 2009 9:55 pm

سانكس ليكي انا بموت فيها

_________________
:أحسـاس لايـوصـف::
أن تقف فوق قبر إنسان تحبه كثيراً وقد كان يعني لك كل شئ يعني لك الكثير ثم تحدثه ، تحاوره ، تصف له طعم الحياة في غيابه ولون الأيام بعد رحيله .. وتجهش في البكاء كطفل رضيع بكاء مرير من أعماق أعماقك حين تتذكر إنه ما عاد هنا .... بيننا

الرجوع الى أعلى الصفحة اذهب الى الأسفل
الكنج
نجمة بحر متألقة
avatar

عدد الرسائل : 3692
العمر : 27
المزاج : عالى
تاريخ التسجيل : 23/07/2008

مُساهمةموضوع: رد: من أشعار الأستاذة ::أيمان بكرى::   الأحد أغسطس 23, 2009 2:53 pm

مش معقول لقيت حد بيهتم بالحجات ديه زيى
الرجوع الى أعلى الصفحة اذهب الى الأسفل
http://www.kingfriends.hooxs.com
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   الخميس أغسطس 27, 2009 4:30 pm

ميرسي يا جماعة على الردود
-------------------
أنا عارفة يا كنج
علشان كده انا كتب العنوان من أشعارها
بس مش أشعارها كلها
عقبال ما أكمل الباقى ليها إن شاء الله

_________________
---------------------------------

-------------------------------
الرجوع الى أعلى الصفحة اذهب الى الأسفل
الكنج
نجمة بحر متألقة
avatar

عدد الرسائل : 3692
العمر : 27
المزاج : عالى
تاريخ التسجيل : 23/07/2008

مُساهمةموضوع: رد: من أشعار الأستاذة ::أيمان بكرى::   الخميس أغسطس 27, 2009 5:24 pm

ان شاء الله
الرجوع الى أعلى الصفحة اذهب الى الأسفل
http://www.kingfriends.hooxs.com
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   السبت سبتمبر 12, 2009 12:03 am

الجبن وسنينه
العقل لما اتسجن
جوه فى زنازينه
فرد قلوعه الخوف
وفرض قوانينه
ولا كل مين خاف سلم
من نصل سكينه
ده الظلم لو يوم حكم
عللى مهاودينه
الحلم يبقى سراب
وتوه عناوينه
والحق يصبح أمل
ف عيون محبينه
والفرد يبقى صنم
مكتوب على جبينه
يبلع سكوته مرار
يشرب دموع عينه
ده لكل فاجر ظلم
أتباع مطاوعينه
حايس مع متعوس
قدم قرابينه
من نبض حلم انفجر
جوه ف شراينه
وده طبع فينا اتولد
م اللى احنا شايفينه
نبكى على اللى انكتب
واحنا اللى كاتبينه
تايهين فى دنيا البدع
والمولى ناسينه
عينى عليك يا جدع
فين الخلاص فينه
داير يقول للبيع
والكل بايعينه
وينادى جاى ياهووه
ولا حد حيعينه
وقالوا زمان ف المثل
واظن فاكرينه
العجل لو يوم وقع
تكتر سكاكينه
يخرب زمان الخوف
والجبن وسنينه

_________________
---------------------------------

-------------------------------
الرجوع الى أعلى الصفحة اذهب الى الأسفل
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   السبت سبتمبر 12, 2009 12:58 am

سلااام مربع
------------
سـلام مربـع
للي ربّع
او مدوّر
للي دوّر
في البلد دي ع الأمانـي
سـلام مربـع للأمانـي
وجمهورية كانـي مانـي
ولنظامها البرلمانـي
سـلام مربـع للكبير اللي استربّع
فوق دماغ مشّش و صدّع
من كـلام عمال بيرسم
دنـيا حلوة فـ الأغانـي
سـلام مربـع للأغانـي
*******
سـلام و داير ع الصوانـي
كـلام و ماشي في ديل كـلام
ولحن تايه في الزحام
غنّى النظام علشان ننام على صوته
نمنا ما قومنا تانـي
سـلام مربـع للي ناموا ماقاموا تانـي
اللي طافوا واللي خافوا
واللي شد عليه لحافُه
وغمّى عينه ع اللي شافه
و راح يقدم للي كمم صوتنا
ولابنه التهانـي
سـلام مربـع للتهانـي
*******
ابن وز وغصب عنا في نيل هوانا
سوا برضانا او المهانه
راح يعوم
ابن حاكم يبقي حاكم
بالوفاق او بالمحاكم
في القانون المستحيل لازم يهون
والوريث يصبح رئيس
بشكل شرعي و فـ ثوانـي
سـلام مربـع للثوانـي
*******
تشريعات على كيف هواهم شرّعوها
وعود قالوها و ضيّعوها
و لعبة بايخة اتعودوها
ناس بترضى وناس بتخضع
ناس مُناها تحب تسمع
يبقى تسمع على مزاج
خطبة تخلق الف مصنع
خطبة تروي و خطبة تشبـع
خطبة تبنـي
فوق رمال الصحرا ألَفات المبانـي
سـلام مربـع للي بانـي
*******
بانـي مجد عشان طموح
مجـروح جمـوح
ظالـم أنانـي
اللي علّى لاجل يعلا
واللي غنّى لاجل يغنا
واللي لما وريده يعطش
يملا بدمانا القنانـي
واللي عمّر واللي دمّر
واللي فكّك واللي سمّر
واللي حزّر واللي فزر
واللي عارض واللي هزّر
واللي شاف الباشا مصلح
واللي شافه وضيع وجانـي
سـلام مربـع للي جانـي
*******
شيء يحزّن
لما صاحب الحق يشحت
لما لون الصدق يبهـت
لما يصبح في البلد دي
الشمال زي اليمين
شيء يحزّن.. شيء يحزّن
لما نرضى و نستكين
و لما يرقص طول السنـين
أراجوز لعيـن
بشكل سافر بهلوانـي
قال هوانـي.. وزاد هوانـي
*******
سـلام مربـّع
للي قال انه هوانـي
وزاد هوانـي
للوعود البهلوانـي
للوريث المعجبانـي
للنظام البرلماني الكاني ماني
*******
سـلام مربـع
للي قطّع واللي ربّع
و اللي مزّع و اللي وزّع
و اللي قلّع و اللي ولّع
و اللي دلّع..
و اللي شخلع في البلد دي
لاجل تبقي
صورة أفظع
للنظام الامريكانـي
سـلام مربـع
للنظام المصر كانـي

_________________
---------------------------------

-------------------------------
الرجوع الى أعلى الصفحة اذهب الى الأسفل
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   السبت سبتمبر 12, 2009 1:07 am

جريمتنا هوايتنا
جريمتنا هُويتنا وفينا الجرح يرتحلُ
ولا ندري لنا رشدا وقد ضاقت بنا السبلُ
يطارد ظلنا الداء وتجثم فوقنا العلل
جريمتنا لنا وطن علي الطرقات منسحِلُ
لنا حق بأن نحيا ونور الحق معتقلُ
ومحتلون في دمنا علي أشلائنا احتفلوا
علي أجفاننا ناموا وتحت جلودنا انسلوا
وســــفاح يطاردنـــا يقيـــم الحد يستل
يصادر لون بشرتنا يطارد دمع من صلوا
مطالبنا لنا ارض ... لنا وطن... لنا أمل
نريد لحلمنا وطنا ، فهل أحلامنا خلل

هنا في ساحة الأقصي لنا خل لنا أهل
لنا زيتونة تبكي يعانق نصفها الطللُ
وأم ملء عينيها تصاوير لمن رحلوا
لنا ثقب من الجرح ترشف نبضَه الرملُ
ومنديل من الحزن علي أكتاف من صلوا
لنا مهد من القلق وزاوية لها مقل
تفاصيل ستذكرنا إلي أن ينتهي الأجل
تراب القدس قدسي سيشهد أننا الأهل
زرعنا أرضنا صبرا ففاض الصبر والكيل
لنا خمسون نأتكل علي عصف وهم أكلوا
و الليل فينا يستشري فكيف سيهتدي الأمل
و فينا الزاجر الناهى و فينا الغى و الابل
مصيبتنا مقاليد إلي الغلمان تنتقل
عمادُ رشادِهم حيل ووجه عروشهم دجل
مشينا خلفهم دهرا وقلنا علنا نصل
علي أكتافنا مالت هوادجهم ولم يصلوا
وشاب غرابُ طالعهم ومازلنا وما وصلوا
وجعجعة بلا طحن وأقوال ولا فعل
وأخماس وأسداس وما اعتزموا وما رحلوا
أساءوا الرعي فاستسقوا وما ضاقت بهم حيل
إذا ما استشعروا شررا أصاب ثيابهم بللُ
وأدمغه مغربلة وأدمغة ولا عقل
و احلام مؤجله الى ان ينتهى الاجل
فهل للحق أبواقٌ وهل يجدي لنا قول
وهل ولّي أبو جهل لنصبحَ كلنا جهل
دماء صغارنا اعتصرت وفي التلفاز نحتفل
عظامهم هنا طُحنت بجرم ماله مثلُ
وأعين فجرنا اقتلعت وقَرَّ الآثمُ الندلُ
فكان الحكم بالنفي لمن بقيت له مُقـلُ
وأسلحة مجنزرة ومجزرة ومختلُ
ومحتشدٌ ومحتفلُ ومنبطحٌ ومنذهلٌ
وأضلاع لنا فرت بوجه بارد ولوا
قلوبهم هنا معنا سلاحهم لمن قتَلوا
و بعض الناس أتباعون و اعوان بما جهلوا
و كل الناس اتبعون لمن فجروا وما خجِلوا
فأين نلوذ مولانا وما المطلوب؟ ما الحلُّ؟
نقدم لحمنا هدْيا نبارك هضم ما أكلوا
ندير ظهورنا خزيا نقبل نعْل من ركلوا
ونرشف سمهم طوعا علي الترياق نتكل
ونملأ صدرَنا صمتا إلي أن ينطق الجملُ
يمين الله لاذلٌ ولا خوفٌ ولا وجلُ
إذا لم يستقم عود فلا عود ولا ظلُ
ولا حكمٌ لمن يعصي ولا حكمٌ لمن زلوا
ومن تسبي له أرضٌ وأعراضٌ ويحتملُ
فبسم الله نرفعها علي من ليس يمتثلُ
وبسم الله نطلقها محررة ونتكلُ
سنشعل حولهم نارا ونفعل مثلما فعلوا
و ارهاب بارهاب سنقتلهم كما قتلوا
أدمع عيونهم خمرٌ ودمع عيوننا خلُ
أملءُ عروقنا ماءٌ وملء عروقهم عسلُ
وهل أطفالنا جيفٌ وهل أطفالهم رسلُ
نريد العدل في زمن أصاب ضميرَه الشلل
فأين صلبت يا عدلُ؟ وأين نُفيت يا خجل

معاهدة مفخخة ويشرب نخبَها الكل
مؤامرة مدبرة وأحكم غلقَها الفذل
وأول غيثها ديفي وشر ختامها أوسلو
ومأساةٌ وملهاةٌ وأذنابٌ لها ذيل
وهذا محور الشر وذا أفعي وذا حملُ
وأدوار موزعة علي الأصنام والحفلُ
سننقله مباشرة علي الأشهاد فاتصلوا
هنا زنزانة العصر وخط القهر متصلُ
هواتفكم مراقبةٌ جوائزنا لمن يصلُ
لأوصافٍ لها جرحٌ ومقبرةٍ بها بطلُ

_________________
---------------------------------

-------------------------------
الرجوع الى أعلى الصفحة اذهب الى الأسفل
الكنج
نجمة بحر متألقة
avatar

عدد الرسائل : 3692
العمر : 27
المزاج : عالى
تاريخ التسجيل : 23/07/2008

مُساهمةموضوع: رد: من أشعار الأستاذة ::أيمان بكرى::   السبت سبتمبر 12, 2009 3:20 pm

سانكس انجل
الرجوع الى أعلى الصفحة اذهب الى الأسفل
http://www.kingfriends.hooxs.com
.__Zizo0o__.
سمكة مجتهدة
سمكة مجتهدة
avatar

عدد الرسائل : 405
العمر : 28
الموقع : مش عارف الشارع الى ورايا قدامى
المزاج : بعمل سيرش على سمكه قرش
تاريخ التسجيل : 15/03/2009

مُساهمةموضوع: رد: من أشعار الأستاذة ::أيمان بكرى::   الأحد سبتمبر 13, 2009 12:24 pm

واااااااااااااااااو
روعه
تسلم ايدك يا انجل
الرجوع الى أعلى الصفحة اذهب الى الأسفل
http://chathome.hooxs.com
CrAzY AnGeL
أخطبوط لذيذ ورايق
أخطبوط لذيذ ورايق
avatar

عدد الرسائل : 1743
العمر : 28
الموقع : in my mind
المزاج : oh yah..it's so complicated
تاريخ التسجيل : 20/11/2008

مُساهمةموضوع: رد: من أشعار الأستاذة ::أيمان بكرى::   الثلاثاء سبتمبر 15, 2009 12:04 am

سانكس ليكوا على الرد

_________________
---------------------------------

-------------------------------
الرجوع الى أعلى الصفحة اذهب الى الأسفل
 
من أشعار الأستاذة ::أيمان بكرى::
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.seafriends.com :: صدى الاقلااام :: كلام الاقلام-
انتقل الى: