فــــــــــــــــــــــــــرفــــــــــــــــــــــــــــــــــــــــــــــــــشـــــــــــــــــــــــــــــــــــــــــــــــــــــــة
 
الرئيسيةالبوابةالتسجيلدخول

شاطر | 
 

 احلى أبهات و أمهات فى الدنيا

اذهب الى الأسفل 
كاتب الموضوعرسالة
simpatica
سمكة مبدعة
سمكة مبدعة
avatar

عدد الرسائل : 504
العمر : 28
المزاج : msh 3aref
تاريخ التسجيل : 06/06/2008

مُساهمةموضوع: احلى أبهات و أمهات فى الدنيا   الإثنين يونيو 30, 2008 4:16 am

أشهر جمل بيقولوها الأب و الأم في مصر

...*...*...*...* ...*...*...*...*...*...*...*...*...*...


* امشى جاتك مشش فى ركبك .


* جتها نيلة الى عايزة خلف تيجى تتفرج .


*ذاكر ياموكوس مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه . :retrt


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج). 7u6u78

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك . 67y6u


* وطي المدعوق ده شويه .


* انت فاكرنا نايمين على ودانا ؟


*لما ما ترضاش تاكل في البيت:طبعا مانت اتعودت علي اكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع. utd


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط 7u6u78:D .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* اشهر جملة بتتقالي في البيت:
-هاتلي الحزام و تعالا

*لما ماما تلاقينى مش بذاكر.....
سنتنا سودة و منيلة بستين نيلة السنادى..إبقه قابلنى لو فلحت

* لما الم تشوف الاخوات بيتخانقوا تقول..الله على بيحصل وانا قاعده ده ..الله lol!

* لما تكونى قاعده قدام الكمبيوتر ولا التلفزيون تقولك مامتك..هو انا اقومك من هنا تجيلى هنا..والله مانتى فاحه غير فى الاغانى..وابقى قابلينى لو فلحتى

*نفسى اعرف انت بتنجح ازاى وانت ما بتروحش الكلية اساسا

* وطبعا " من غير ليه..اللى اقوله يتسمع ..ومش عايزة مناقشة"

* انت مفيش حاجه تعجبك ابدا.....

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )


طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير
الرجوع الى أعلى الصفحة اذهب الى الأسفل
esso
احلي أخطبوط
احلي أخطبوط
avatar

عدد الرسائل : 867
العمر : 28
المزاج : تعود ان تموت لكى تعيش لكى تحب ولا تحب
تاريخ التسجيل : 06/06/2008

مُساهمةموضوع: رد: احلى أبهات و أمهات فى الدنيا   الإثنين يونيو 30, 2008 4:39 am

هههههههههههههههههههههههههههههههه

لا انا بسمع كدة وشوية كمااان

ميرسى يا سيمباتيكا

موضوع حلو قوى
الرجوع الى أعلى الصفحة اذهب الى الأسفل
CleverMan
سمكة متألقة
سمكة متألقة
avatar

عدد الرسائل : 274
تاريخ التسجيل : 10/06/2008

مُساهمةموضوع: رد: احلى أبهات و أمهات فى الدنيا   الإثنين يونيو 30, 2008 4:35 pm

هههههههههههههههه موضوع جميل يا سمبتيكا

بس حبيت اضيف جملة ..:: مفيش فايدة ::.. smile

مش عارف نسيتيها ازاى


ويا رب يخليلنا كل امهاتنا وابهاتنا
الرجوع الى أعلى الصفحة اذهب الى الأسفل
A.Wally
سمكة فعالة
سمكة فعالة
avatar

عدد الرسائل : 190
المزاج : عايش لنفسى
تاريخ التسجيل : 21/06/2008

مُساهمةموضوع: رد: احلى أبهات و أمهات فى الدنيا   الإثنين يونيو 30, 2008 10:53 pm

والله العظيم انتى بتقولى كلام زى الفل
الرجوع الى أعلى الصفحة اذهب الى الأسفل
__TiMMi__
أخطبوط لذيذ ورايق
أخطبوط لذيذ ورايق
avatar

عدد الرسائل : 1929
العمر : 24
المزاج : الجرح دا أعلي دمااااغ
تاريخ التسجيل : 18/06/2008

مُساهمةموضوع: رد: احلى أبهات و أمهات فى الدنيا   الجمعة يوليو 04, 2008 3:23 pm

ههههههههههههههه
كل يوم بسمعه واللهي دراسة واجازة وكلو
ربنا يهدي
وميرسي ع التوبك ده simpatica
الرجوع الى أعلى الصفحة اذهب الى الأسفل
SHINY STAR
سمكة مبدعة
سمكة مبدعة
avatar

عدد الرسائل : 527
العمر : 96
المزاج : هاااا
تاريخ التسجيل : 17/06/2008

مُساهمةموضوع: رد: احلى أبهات و أمهات فى الدنيا   الثلاثاء يوليو 08, 2008 11:21 pm

الي كاتب الموضوع دا كان معانا فى البيت
حتى للدرجة لما بنكون فى الاجازةماما بتنسى وتقوم تزعق وتقول قومو ذكروووووووو


احنا بنعمل كدة
الرجوع الى أعلى الصفحة اذهب الى الأسفل
lover 4 ever
احلي أخطبوط
احلي أخطبوط
avatar

عدد الرسائل : 762
العمر : 25
الموقع : in my room
المزاج : fine,thanks
تاريخ التسجيل : 17/05/2009

مُساهمةموضوع: رد: احلى أبهات و أمهات فى الدنيا   الأحد مايو 31, 2009 6:55 am

* قومي ساعدي امك ده اللي هيتجوزك أمه داعية عليه
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا
.* لما تكونى قاعده قدام الكمبيوتر ولا التلفزيون تقولك مامتك..هو انا اقومك من هنا تجيلى هنا..والله مانتى فاحه غير فى الاغانى..وابقى قابلينى لو فلحتى
اكترحاجات بسمعهم
الرجوع الى أعلى الصفحة اذهب الى الأسفل
الكنج
نجمة بحر متألقة
avatar

عدد الرسائل : 3692
العمر : 27
المزاج : عالى
تاريخ التسجيل : 23/07/2008

مُساهمةموضوع: رد: احلى أبهات و أمهات فى الدنيا   الثلاثاء أغسطس 04, 2009 6:58 pm

ههههههههههههههههههه

مش انتى لوحدك
الرجوع الى أعلى الصفحة اذهب الى الأسفل
http://www.kingfriends.hooxs.com
 
احلى أبهات و أمهات فى الدنيا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.seafriends.com :: ركن ارمى الدنيا ورا ظهرك :: احنا جايين ننبسط-
انتقل الى: